aarzoo-e-wafaa kare koi
jii na chahe toh kya kare koi
gar maraz ho dawa kare koi
marne_wale ka kya kare koi
koste hain jale huye kya kya
apne haq mein du'a kare koi
unnse sab apni apni kehte hain
mera matlab ada kare koi
chah se aap ko toh nafrat hai
mujhko chahe khuda kare koi
yeh mili daad ranj-e-furqat ki
aur dil ka kaha kare koi
tum sarapa ho surat-e-tasveer
tum se phir baat kya kare koi
kehte hain hum nahin khuda-e-kariim
kyon hamaari khata kare koi
munh lagate hi 'daag' itraaya
lutf hai phir jaffa kare koi
No comments:
Post a Comment