dono jahan teri mohbbat mein haar ke
vo ja raha hai koi shab-e-gham guzar ke
viraan hai mai_kada, khum-o-sagar udas hai
tum kya gaye ki ruth gaye din bahar ke
ik fursat-e-gunah mili, vo bhi char din
dekhe hain humne hausle parwar-digar ke
duniya ne teri yaad se begana kar diya
tujhse bhi dil fareb hain gham rozgaar ke
bhoole se muskura toh diye thay vo aaj 'faiz'
mat puchh val-vale dil-e-na_kardakaar ke
No comments:
Post a Comment