dard ki barish sahi madham, zara ahista chal
dil ki mitti hai abhi tak nam, zara ahista chal
tere milne aur phir tere bichad jane ke beech
fasla rusvaai ka hai kam, zara ahista chal
apne dil hi mein nahi hai usski mehrumi ki yaad
usski aankhon mein bhi hai shabnam, zara ahista chal
koi bhi ho humsafar 'raashid' na ho khush iss qadar
ab ke logo mein waffa hai kam, zara ahista chal
No comments:
Post a Comment