dil ki bisaat kya thi nigaah-e-jamaal mein
ek aaiina tha toot gaya dekh-bhal mein
sabar aa hi jaaye gar basar ho ek haal mein
imkaan ek aur zulm hai qaid-e-muhaal mein
aazurda hun iss qadar sarab-e-khayal se
jii chahta hai tum bhi na aao khayal mein
duniya hai khwab, haasil-e-duniya khayal hai
insan khwab dekh raha hai khayal mein
umar-e-do_roza waqayi khwab-o-khayal thi
kuch khwab mein guzar gayi, kuch khayal mein
seemab akbarabadi
No comments:
Post a Comment