tum aaye ho na shab-e-intzar guzari hai
talash mein hai sahar baar baar guzari hai
junoon mein jitani bhi guzarii bekaar guzari hai
agarche dil pe kharabi hazaar guzari hai
hui hai hazarat-e-naseh se guftagu jis shab
vo shab zaruur sar-e-kuu-e-yaar guzari hai
vo baat saare fasane mein jiska zikr na tha
vo baat unnko bohat na-gawar guzari hai
na gul khile hain, na unnse mile, na mai pi hai
ajeeb rang mein ab ke bahaar guzari hai
chaman mein gairat-e-gulachiin se jane kya guzari
qafas se aaj saba beqarar guzari hai
No comments:
Post a Comment