tumhare pyar ko gar dilse hum juda karte
shab-e-furaaq mein taare na hum gina karte
khuda ke naam se kya tumse iltija karte
zara se ishq mein ghabra ke kya dua karte
sajja ke baith gaye dil mein teri surat ko
na hota pyar tumse toh khuda khuda karte
qayam karte kabhi aur kabhi ruko-o-sajood
namaz-e-ishq tere dar pe yun ada karte
jalte hain teri rahon mein khoon-e-dil ke chirag
zaqaat hussan ki hum aur kya ada karte
jaffein kar ke mera puchte hain ab ahwaal
zara bhi hoti murawat toh kyun jaffa karte
hazar bar agar milti zindgi be-missal
hazar bar hum inn pe isse fida karte
No comments:
Post a Comment