unknown

ae jazba-e-dil gar main chahun har cheez muqabil aa jaaye
manzil ke liye do gaam chalun aur samane manzil aa jaaye
ae dil ki khalish chal yun hi sahi, chalata toh hun unnki mehfil mein
uss waqt mujhe chaunka dena jab rang pe mehfil aa jaaye
ae rah_bar-e-kaamil chalane ko tayyar toh hun par yaad rahe
uss waqt mujhe bhatka dena jab samane manzil aa jaaye
haan yaad mujhe tum kar lena aawaz mujhe tum de lena
is rah-e-muhabbat mein koi darpesh jo mushkil aa jaaye
ab kyun dhundhun vo chashm-e-karam hone de sitam bala-e-sitam
main chahta hun ae jazbaa-e-gham mushkil pas-e-mushkil aa jaaye
iss jazb-e-dil ke baare men ik mashwara tum se leta hun
us waqt mujhe kya lazim hai jab tujhpe mera dil aa jaaye
ae barq-e-tajali kya tune mujhko bhi muusa samajha hai
main tuur nahin jo jal jaaun jo chahe muqaabil aa jaaye