dil liya jis ne bewafaai kii
rasm hai kya ye dil-rubaai ki
tum ko andesha-e-giraftaari hai
yaan tavaqqo nahin rihaai ki
wasl mein kis tarah hun shaadi-e-marg
mujhko taaqat nahin judaai ki
ek din tere ghar mein aana hai
bakht-e-taale ne gar rasaai ki
dil lagaya so naasahon ko kya
baat jo apane jii mein aayi, ki
'shefta' vo ki jis ne saari umar
deen-daari-o-paarasaai ki
No comments:
Post a Comment