chhupaaye dil mein ghamon ka jahan baithe hain
tumhari bazm mein hum bezabaan baithe hain
ye aur baat ki manzil pe hum pahunch na sake
magar ye kam hai ki raahon ko chhan baithe hain
fugaan hai dard hai soz-o-firaaq-o-daag-e-alam
abhi toh ghar mein bohat meharbaan baithe hain
ab aur gardish-e-taqdeer kya satayegi
luta ke ishq mein naam-o-nishan baithe hain
vo ek lafz-e-muhbbat hi dil ka dushman hai
jise shariat-e-ehsaas maan baithe hain
hai maikadon ki baharon se dosti 'sagar'
baraaye hadh-e-yaqiin-o-gumaan baithe hain
No comments:
Post a Comment