hum kisi chshm-e-fasoon saz mein rakhe huye hain
khwab hain, khwab ke andaz mein rakhe huye hain
taab anjam-e-muhbbat ki bhala kya late
zatawan dil wahin, aaghaz mein rakhe huye hain
jalte jayenge abhi aur charghon se charagh
jab teri anjuman-e-naaz mein rakhe huye hain
ae hawa ! aur khizaon ke illawa kya hai
waswase kyun teri awaaz mein rakhe huye hain ?
ik sitare ko toh main subah talak le aayi
besatar raat ke aaghaz mein rakhe huye hain
kaat ke woh parr toh hawaon mein kahin udd bhi gaye
dil yahin hasrat-e-parwaz mein rakhe huye hain
hum toh hain aab-e-zar-e-ishq se likhe huye harf
besh-qeemat hain, bohat raaz mein rakhe huye hain
No comments:
Post a Comment