bahut mila na mila zindagi se gham kya hai
mataa-e-dard baham hai toh besh-o-kam kya hai
ham ek umar se waqif hain ab na samjhaao
ke lutf kya hai mere meharaban sitam kya hai
kare na jag mein alaav toh sher kis maqsad
kare na shahar mein jal-thal toh chashm-e-nam kya hai
ajal ke haath koi aa raha hai parwana
na jaane aaj ki feharist mein raqam kya hai
sajaao bazm gazal gaao jaam taaza karo
bahut sahi gham-e-geti sharab kam kya hai
lihaaz mein koi kuch duur saath chalata hai
vagarna dahar mein ab khizr ka bharm kya hai
No comments:
Post a Comment