najane kitne dard dekhe hain
samandaron mein ashq dekhe hain
chandni ratjagon mein ghulte
yaadon ke raqs dekhe hain
gham-e-dauran mein lazaatein payi
qehqahon mein dasht dekhe hain
mel-jol, na maraasim koi
humne aise bhi rabt dekhe hain
lab khamosh, magar alfaaz
ankhon mein naqsh dekhe hain
aasmani chanchal rangon ke bas
paaniyon mein aks dekhe hain
char-diwaari mein rihaai aur
khuli fizaaon mein habs dekhe hain
No comments:
Post a Comment