main udaas rasta hun sham ka
mujhe aahaton ki talash hai
yeh sitare hain sab bujhe bujhe
mujhe jugnuon ki talash hai
har khushi hai mujhse khaffa khaffa
mujhe zindagi ki talash hai
meri piyas mein vo talab nahi
mujhe tishnagi ki talash hai
ik hajuum sa hai rawaan dawaan
mujhe doston ki talash hai
meri zindagi hai bas ik rasta
mujhe manzilon ki talash hai
najane kiya hai jo kho gaya
mujhe shayad apni hi talash hai
No comments:
Post a Comment