ye bhi kya ehsaan kam hai dekhiye na aap ka
ho raha hai har taraf charcha hamara aap ka
chand mein toh daag hai par aap mein vo bhi nahin
chaudhavi ke chaand se badhkar hai chehra aapka
ishq mein aise bhi hum duube huye hain aap ke
apne chehre pe sada hota hai dhokha aap ka
chaand suraj dhuup subah kahkashan taare shamma
har ujaale ne churaaya hai ujalaa aap ka
No comments:
Post a Comment