unnki berukhi mein bhi iltefaat[kindness] shaamil hai
aaj kal meri haalat dekhane ke qaabil hai
qatl ho toh mera sa maut ho toh meri si
mere sog_vaaron mein aaj mera qaatil hai
muztarib[agitated] hain maujen kyun uth rahe hain tufan kyun
kya kisi safiine ko aarzu-e-saahil hai
sirf rah_zan hi se kyun 'ameer' shikwa ho
manzilon ki raahon mein raah_bar bhi shaamil hai
No comments:
Post a Comment