ik adhoora sa khwab

zindgi ik kitab hai logo
jis mein bas gham ka baab hai logo
pii lo gar dast-yaab hai logo
ishq bhi ik sharab hai logo
ishq mein jo kharab haal raha
woh bohat kaamyab hai logo
yeh gham-e-intzaar mere liye
lazzat-e-behisaab hai logo
koi usska jawab kya hoga
jo bashr lazawab hai logo
dard-e-dil aashiqon ki daulat hai
yeh bazahir itaab hai logo
jo gham-e-aashqui se duur raha
usski qismat kharab hai logo
mera har gham chhupaye rakhti hai
muskurati naqab hai logo
'sada' ke liye kisi ka pyar
ik adhoora sa khwab hai logo