kaam aa saki na apni vaffayen toh kya karen
ik bewafa ko bhuul na jaayen toh kya karen
mujhko ye etaraaf duaaon mein hai asar
jaaye na arsh par jo duaayen toh kya karen
ik din ki baat ho toh usse bhuul jaayen hum
naazil ho roz dil pe balaayen toh kya karen
shab bhar toh unnki yaad mein taare gina kiye
taare se din ko bhi nazar aayen toh kya karen
ahad-e-tarab ki yaad mein roya kiye bohat
ab muskura ke bhuul na jaayen toh kya karen
ab jii mein hai ki unnko bhuula kar hi dekh len
vo baar baar yaad jo aayen toh kya karen
tark-e-waffa bhi zurm-e-muhabat sahi "akhtar"
milne lagen waffa ki sazayen toh kya karen
No comments:
Post a Comment