Ankhen mujhe talvon se vo malane nahin dete
arman mere dil ka nikalane nahin dete
Khatir se teri yad ko Talane nahin dete
sach hai ki hamin dil ko sanbhalane nahin dete
kis naz se kahate hain vo jhunjhala ke shab-e-vasl
tum to hamen karavat bhi badalane nahin dete
paravanon ne fanoos ko dekha to ye bole
kyon ham ko jalate ho ki jalane nahin dete
hairan hun kis tarah karun arz-e-tamanna
dushman ko to pahaluu se vo Talane nahin dete
dil vo hai ki fariyad se lab_rez hai har vaqt
ham vo hain ki kuchh munh se nikalane nahin dete
garmi-e-mohabbat men vo hai ah se mane
pankha nafas-e-sard ka jhalane nahin dete