main kitni waraftigi se usse suna raha tha
woh saari baatein woh saare kissay
jo uss se milne se paishtar
meri zindgi ki shikayatein thi
main keh raha tha
jinhe meri aarzu thi meri talab thi
ke jinn ki mujh par inayatein thi
main keh raha tha
ke unn mein kuch ko toh maine
jaan se azeez jana
magar unn mein se baaz ko
meri be-dili se shikayeten thi
main ik ik baat
ek ek zurm ki kahani
dharakte dil kanpate badan se suna raha tha
magar woh pathar bani
mujhe aisi sunti rahi
ke jaise mere labon par
kisi muqaddas tareen saheefe ki aayatein thi
No comments:
Post a Comment