tumhari yaad ke jab zakhm bharne lagte hain
kisi bahane tumhen yaad karne lagte hain
hadees-e-yaar ke unvaa nikharne lagte hain
toh har hareem mein gesu sawarne lagte hain
har ajnabi hamen mehram dikhai deta hai
jo ab bhi teri gali gali se guzarne lagte hain
saba se karte hain gurbat-nasiib zikr-e-vatan
toh chashm-e-subah mein ansoo ubharne lagte hain
vo jab bhi karte hain is nutaq-o-lab ki bakhiyaagari
faza mein aur bhi nagme bikharne lagte hain
dar-e-qafas pe andhere ki muhar lagti hai
toh 'faiz' dil mein sitare utarne lagte hain
No comments:
Post a Comment