unknown

gaahe gaahe, bas ab yahin, ho kya !
tumse milkar, bahut khushi, ho kya !
mil rahi ho, bade tapaak ke saath
mujhko, yaksar[bilkul] bhula chuki ho kya!
bas mujhe, yunhi ek khayal aaya
sochti ho toh, sochti ho kya!
ab meri koi zindgi hi nahi
ab bhi tum, meri zindgi ho kya!
kya kaha! ishq jaawedaani hai!
aakhri baar mil rahi ho kya!
haan, fazaa, yahan ki soi soi hai
toh bahut tez roshni ho kya
mere sab tanz be-asar hi rahe
tum bahut duur ja chuki ho kya!
dil mein ab soz-e-intzaar nahi
shamm-e-ummid bhujh gayi ho kya!