gadaa[beggar] dast-e-ahl-e-karam dekhte hain
hum apna hi dam aur qadam dekhte hain
na dekha jo kuch jaam mein jam* ne apne
so yak qatra-e-mai mein ham dekhte hain
yeh ranjish mein ham ko hai be-ikhtiyyri
tujhe teri kha kar qasam dekhte hain
gharaz kufr se kuch, na din se hai matlab
tamasha-e-dair-o-haram dekhte hain
mita jaaye hai haraf haraf aansuon se
jo naama usse kar raqam dekhte hain
magar tujhse ranjida khatir hai sauda
usse tere kuuche mein kam dekhte hain
*Jaam-e-Jam: Jaam is Cup of wine, Jam is mythical Persian kind Jamshed who had a cup in which he could see the world
No comments:
Post a Comment