ab ae mere ehsaas-e-junoon kiya mujhe dena ?
dariya usse bakhsha hai toh sehra mujhe dena
tum apna makaan jab karo taqseem toh yaaron !
girti hui deewar ka saaya mujhe dena
jab waqt ki murjhayi hui shakh sambhalo
uss shakh se toota hua lamha mujhe dena
tum mera badan odh ke phirte raho - lekin
mumkin ho toh ek din mera chehra mujhe dena
choo jaye hawa jism se toh khushboo teri aaye
jaate huye ek zakhm toh aisa mujhe dena
ek dard ka mela hai laga hai dil-o-jaan mein
ek rooh ki awaaz ke rasta mujhe dena
ek taaza ghazal azn-e-sukhan maang rahi hai
tum apna mehkta hua lehja mujhe dena
vo mujhse kahin badh ke musibat mein tha 'mohsin'
reh reh ke magar uss ka dilaasa mujhe dena
No comments:
Post a Comment