kise pukarein hum iss hujoom-e-gham mein
ke sab hi hamare azmaye huye hain
tum hi ne hamen kar diya tanha
varna hum toh talluq nibhaye huye hain
dheeme dheeme aanso dil se girte
ke hum apna gham sab se chupaye huye hain
unn shano tak ab rasai na rahi
jin shano pe aansoo bahaye huye hain
ham karen ab kis par kaise bharosa
ke zamane se dhoke khaye huye hain
khushiyon se bhi ab toh lagta hai darr
iss qadar zakhm hum ne khaye huye hain
iss qadar zakhm humne khaye huye hain
ab dast-e-shansai na badhayenge
hum ke zamane bhar se thukraye huye hain
No comments:
Post a Comment