ibaadat karte hain jo log zannat ki tamanna mein
ibaadat toh nahin hai ik tarah ki vo tizaarat hai
jo darr ke nazar-e-dozakh se khuda ka naam lete hain
ibaadat kya vo khali buzadilana ek khidmat hai
magar jab shukr-e-nemat mein jabeen jhukati hai bande ki
vo sachchi bandgi hai ik sharifana ita'at hai
kuchal de hasraton ke beniyaaz-e-mudd'a ho ja
khudi ko jhaad de daaman se mard-e-ba_khuda ho ja
utha leti hain laheren taha_nashin hota hai jab koi
ubharana hai toh garq-e-bahr-e-fana ho jaata hai
No comments:
Post a Comment