khoya khoya uddas sa hoga
tumse vo shaKs jab mila hoga
qurb ka zikr jab chala hoga
darmiyan koi fasala hoga
ruuh se ruuh ho chuki badzan
jism se jism kab juda hoga
phir bulaya hai ussne Khat likh kar
samne koi masla hoga
ghar main sab log soa rahe honge
phool aangan main jal chuka hoga
kal ki batain karoge jab logo
Khuff sa dil main roonuma hoga
No comments:
Post a Comment