dasht-- ghurbat mein sadaqat ke taahafuz ke liye
tune jaan de ke zamane ko zia bakhshi thi
zulm ki wadi-e-khooneen main qadam rakha tha
haq parastoon ko shahadat ki ada bakhshi thi
aatish-e-dehr ko gulzar banaya tune
tune insan ki aazmat ko baqa bakhshi thi
aur wo aag vo zulmat vo sitam ke percham
tere eesar tere aazm se sharminda huye
jurraat-o-shouq-o-sadaqat ki tavarikh ke baab
teri aazmat tere kirdar se tabinda huye
ho gaya nazar-e-fana dabdaba-e-shimr-o-yaazid
kashtgaan-e-raah-e haq marr ke magar zinda huye
lekin ae sayyad-e-konain hussain ibn-e-ali
aaj phir dehar mein batil ke saff aaraai hai
aaj phir haq ke paristaroon ka inaam hai daar
zindagi phir ussi vadi mein utar aayi hai
aaj phir madd-e-muqabil hain kai shimr-o-yaazid
sidaq ne jinnko mitane ki kasam khai hai
dil ke har saal tere gham main lahoo rote hain
ye issi ehd-e-junoon kaaish ki tajdid toh hai
jaan ba kaff halqa-e-aada mein jo diwane hain
un ka mazhab tere kirdar ki taqleed to hai
jab se ab tak issi zanjir-e-waffa ka rishta
biaat-e-dast-e-zaffa kaar ke tardeed toh hai
No comments:
Post a Comment