na shauq-e-wasl na ranj-e-firaq rakhte hain
magar ye log tera ishtiyaq rakhte hain
ye hum jo tujhpe hain naazaan toh iss sabab se ke hum
zamane walon se behtar mazaq rakhte hain
hum ehl-e-dil se koi kyun mile ke hum se faqir
ne etr-o-ood na saz-o-yaraaq rakhte hain
jamal-e-yaar faqat chasm-o-lab ki baat nahin
so hum khayal-e-syaq-o-sabaq rakhte hain
misal-e-sheesha-e-khali kitaab-e-aql ko bhi
hum ehl-e-maikada bala-e-taaq rakhte hain
shayookh-e-shahr se kya bahs ke jo girah mein faqat
do harf-e-eqd-o-seh harf-e-talaq rakhte hain
'faraz' khush ho ke tujhese khaffa hain fatwa faroosh
bhale se ye bhi kahan ittefaq rakhte hain
No comments:
Post a Comment