aks-e-khushbu hun bikharne se na roke koi
aur bikhar jaaon toh mujhko na samete koi
kanp uthti hun main ye soch ke tanhai mein
mera chehre pe tera naam na padh le koi
jis tarha khwab mere ho gaye reza reza
iss tarha na kabhi toot kar bikhre koi
main toh iss din hirasan hun ke jab hukm mile
khushk phuulon ko na kitaabon mein rakhe koi
ab toh iss raah se vo shakhs guzarta bhi nahi
ab kis ummid pe darwaze se jhanke koi
koi aahat koi awaz koi chap nahi
dil ki galyan badi sunsaan hain aaye koi
No comments:
Post a Comment