meri dastan-e-hasrat vo suna suna ke roye
mere azmane wale mujhe azma ke roye
koi aisa ahle dil ho ke fasana-e-mohbbat
main usse suna ke roa'un vo mujhe suna ke roye
meri aarzu ki duniya dil-e-natawan ki hasrat
jise kho ke shadman the usay aaj pa ke roye
teri bewafaiyon par teri kuj adayon par
kabhi sar jhuka ke roye kabhi munh chupa ke roye
jo sunai anjuman mein shab-e-ghum ki aap beeti
kai roa ke muskuraye kai muskura ke roye
No comments:
Post a Comment