aaj bandh kar raha hai dar koi
ho gaya phir se dar-ba-dar koi
zindgi se mujhe darra waiz
maut se kab mujhe tha darr koi
saath toh chahte hain sab mera
saath deta nahin magar koi
kuch fiza mein nami si baqi hai
roya shayad hai raat bhar koi
bujh gaya jo charag zinda tha
ho gaya hai shahr badar koi
phool sehra ke surkh kar daale
khuun roya hai iss qadar koi
raaste karte thay jo ki charagari
dhundhte ab hain charagar koi
No comments:
Post a Comment