kuch iss tarah se vo mehfil mein benaqaab aaye
nikal ke jaise ghataon se mehtaab aaye
vo chahe karen saare zamane se parda
hamare saamne jab aaye benaqaab aaye
behaki behaki si vo ankhen, vo mast mast kadam
koi piye huye jis tarah se sharaab aaye
main usse arz-e-tamnna karun toh kaise karun
zara si zumbhishen lab mein jinhen hizaab aaye
nishaat waqt ki awaaz sun raha hun mein
ajab nahin ki bohat jald inqalaab aaye
No comments:
Post a Comment