saath de taqdeer gar rahat rasan taqdeer tadbeer ka
zehan se ho khaatma naam-o-nishan taqseer ka
chaand se aagay hai koi baais-e-elm-e-jadeed
aur hum qissa liye baithe hain raanjhe heer ka
maail-e-takhreeb ate hain nazar vo ehl-e-elm
jin se mulk-o-qoum ko tha aasra tameer ka
ehd-e-hazir mein kisi ke ehad par takiya na kar
hakim-o-mehkoom ka ho, ya mureed-o-peer ka
qurb-e-alim se na ho jao kahen firqa parast
jaane kab ilzaam lag jaaye tumhen takfeer ka
aapko dekha, gaya ehsaas-e-baar-e-intzaar
shehr-e-hungama hai kya shikwa gila takheer ka
No comments:
Post a Comment