ik ghum musarraton mein samaya kabhi kabhi
guzra zamana jo yaad aaya kabhi kabhi
manzil ki duuriyon se lazzat mujhe mili
raahon ke paich-o-ghum ne sataya kabhi
kisi ne khizan ki raah mein kaliyan bikher di
misl-e-bahar kaun ye aaya kabhi kabhi
khud apni zaat se girezan hun main jis tarah
yun duur duur rehta hai saaya kabhi kabhi
har saaz baj raha tha magar khamoshi ke saath
aisa uddas waqt bhi aaya kabhi kabhi
yaadon ki ik jhalak mere dil mein utar gayi
naghma kisi ne aisa sunaaya kabhi kabhi
haan kisi ki yaad mein hum aise guum huye
dhundha hazar khud ko na paaya kabhi kabhi
No comments:
Post a Comment