inn zaminon ki hawa tund hai bach kar chalna
khuun ka nasha aankhon mein utar aaya hai
har haqiqat ka guman khauff aur taish ki
raahon mein utar aaya hai
maut phir maut hai jab ghar se nikalti hai
aahatein bain ka ahang liye chalti hain
khwahishen apna lahu sang liye machalti hain
phir maut ki sard hawa
shehr-e-pur shor ko be_soot bana deti hai
aur be_naam chiragon ko bujha deti hai
raste andhe faqiron ki tarha
kisi rahgeer ki aahat pe lage rehte hain
aur viran darichon ke dar-o-bam se takra ke hawa
jaane walon ko sada deti hai
No comments:
Post a Comment