raushan jamaal-e-husn se hai anjuman tamaam
dahakaa hua hai aatish-e-gul se chaman tamaan
hairat guruur-e-husn se shokhi se iztaraab
dil ne bhii tere siikh liye hai.n chalan tamaam
allah re husn-e-yaar kii khubi ke khud-ba-khud
ranginiyon mein duub gayaa pairahan tamaam
dekho to husn-e-yaar ki jaadu nigahiyan
behosh ik nazar mein hui anjuman tamaam
No comments:
Post a Comment