dayyar-e-gaiir mein kaise tujhe sada dete
tu mil bhi jaata toh tujhe ganwa dete
tumhi ne hum ko sunaya na apna dukh varna
dua vo karte ke hum aasman hila dete
hamen ye za'um raha ab ke vo pukarenge
unnhen ye zid thi ke har baar hum sada dete
vo tera gham tha ke taaseer mere lehje ki
ke jis ko haal sunaate usse rula dete
tumhen bhulana hi awal toh dastaras mein nahi
jo ikhtiyaar bhi hota toh kya bhulaa dete
tumhari yaad ne koi jawab hi na diya
mere khayal ke aansu rahe sada dete
sama'aton ko main taa umar kosta 'syed'
vo kuch na kehte magar hont toh hila dete
No comments:
Post a Comment