na giraao ashq bhi aankh se, na labon se nikle krah bhi
jo zamiin-e-dil mein dabi rahi, hoi bar-awar wohi aah hi
mera haath tham le rehbar mujhe manzilon ka pata nahi
hai badi kathin ye musafaten, badi pech-daar raah bhi
na zuban pe sikhwe ho na gile, ke badhenge aise toh faasle
jo aana na beech se ja saki toh na ho sakega nibah bhi
main bhatak bhatak ke qadam dadam phira hun teri hi talash mein
meri dil_gudazi ki kafiyat mere pyar ki hai gawah bhi
usse zindgi ki naveed de, jise maar dala hai hizr ne
dil-e-reza reza liye huye jo pade hain chasm-e-bahaar bhi
koi bad ghuman ye keh na de, hai kahan jise thay pukaarte
karo bebasi ko na mushtaahir, na aayaan ho haal-e-tabah bhi
meri fard-e-zurm jo likh rahe hain farishte unnse ye araz hai
meri hasraten bhi shumaar ho, jo likhen hain mere gunah bhi
No comments:
Post a Comment