bade mukhtsar se haroof mein mujhe gehri baat bata gaya
ke vo khwab sa koi shaks tha jo sahar se pehle jaga gaya
kisi mehrban ki duaon se ye safar tamam hua mera
jinhen rahbari ka garoor tha unhen raston ne mita diya
hamen asman se gila nahi teri rehmaton pe yaqeen hai
jinhen zindgi ne shikast di kisi mojze ne bacha liya
hamen zinda rehne ka hausla teri arzuu ne ata kiya
bade ghehre zakhm thay waqt ne jinhen rafta rafta mita diya
No comments:
Post a Comment