der lagi aane mein tumko shukr hai fir bhi aaye toh !
aas ne dil ka saath na choda waise hum ghabraaye toh !
shafak dhanak mehtaab ghataayen taare nagme bijli phool
uss daaman mein kya kya kuch hai vo daaman haath mein aaye toh !
jhooth hai ! sab taarikh hamesh apne ko dohraati hai
achcha ! mere khwaab-e-jawaani thoda sa dohraaye toh !
suni sunayi baat nahi hai apne opper beeti hai
phuul nikalte hain sholon se chahat aag lagaye toh ... !!!