iqraar gaye, inkaar gaye, hum haar gaye
aankhon se sab asaar gaye, hum haar gaye
kuch yaadein usski beech samander doob gayi
kuch sapne reh uss paar gaye, hum haar gaye
jab tanha apni zaat se jang pe nikle toh
bhagwan gaye, utaar gaye, hum haar gaye
yun uljhe duniya ke dukh mein besudh ho kar
sab jhoote sache pyar gaye, hum haar gaye
pehle toh preet mein apne aap se duur huye
phir yaar gaye dildar gaye, hum haar gaye
ik umer rahe jeet se be-perwa lekin
jab jeetna chaha , haar gaye ,,hum haar gaye
No comments:
Post a Comment