gham mujhe, hasrat mujhe, vehshat mujhe, sauda mujhe
ek dil de ke khuda ne de diya kya kya mujhe !
ye namaaz-e-ishq hai kaisa adab kis ka adab
apne paaye naaz pe karne do sajda mujhe !
dekhte hi dekhte duniya se main uth jaaonga
dekhti ki dekhti reh jayegi duniya mujhe
hai asool-e-arzu ka raaz tark-e-arzu
maine duniya chod di mil gayi duniya mujhe
keh ke soya hun ye apne iztaraab-e-shauq se
jab wo aayen qabar par fauran jaga dena mujhe
subha tak kya kya teri umeed ne taane diye
aa gaya tha shaam-e-gham ik neend ka jhonka mujhe
No comments:
Post a Comment