taskeen-e-dil mahzoon na hui, vo sai-e-karam farma bhi gaye
iss sai-e-karam[favour] ko kya kahiye, behla bhi gaye tadpa bhi gaye
ik arz-e-wffa bhi kar na sake, kuch keh na sake, kuch sun na sake
yahan hum ne jabaan hi khole thi, vahan aankh jhuki sharma bhi gaye
aashuftafe-e-vahshat[height of madness] ki kasam, hairat ki kasam, hasrat ki kasam
ab aap kahen kuch ya na kahen, hum raaz-e-tabsuum pa bhi gaye
roodad-e-gham-e-ulfat unnse hum kya kahte, kyunkar kehte
ik harf na nikla honton se aur ankho mein aanson aa bhi gaye
No comments:
Post a Comment