ankhon main kai sapne saja kar roye bohot hai hum
dil ko nai duniya dikha kar roye bohot hai hum
woh badal gaya toh pher li humne bhi nazar apni
par usske khaton ko jala kar roye bohot hai hum
laut aaye tho aahen usski mehfil se bacha kar aana apni
par usski bazm se aa kar roye bohot hai hum
jise kiya tha roshan tamanaon se humne apni
uss sham-e-wafa ko bhuja kar roye bohot hai hum
jinnke saaye mein ki thi humne kai baaten
unn baghoon mein tanha ja kar roye bohot hai hum
kis qadar khushi se kiya hum dum ko rukhsat humne
magar sab se nazar bacha ke roye bohot hai hum
hausla tutne ka ho toh waffa karna kisi se
yeh baaten logon ko suna kar roye bohot hai hum
phir yun hua ke ankhoon ne kai rat-jage dekhe
palkon pe teri yaad bitha kar roye bohot hai hum
wohi aaj mujhse mere dard ki wajah chahta hai
jiski baaten auron ko suna kar roye bohot hai hum
No comments:
Post a Comment