nazar se nazar ko salaam aa rahe hain
phir unnki taraf se payaam aa rahe hain
jo parda_nashi thay bohat muddaton se
woh lamhe mujhe bazm-e-aam aa rahe hain
sajaane ko ab mere khwabon ki basti
ye phoolon ke gajre tamaam aa rahe hain
zara toh karo sabar ae mai-kasho tum
tumhari hi jaanib ye jaam aa rahe hain
kahan kho gaye aap gumnaam ho kar
tumhe dhoondhne subah-o-shaam aa rahe hain
No comments:
Post a Comment