har cheez ke tadaruk ke liye idraak hona chahiye
sachchaai ka ho jab ma’amla, bebaak hona chahiye
ek kahani aisi likho jo har shakhs ki akkaas ho
aur dil mein dard jagane ko, usse dardnaak hona chahiye
socho ke kyun Musalmaan, Musalmaan ki jaan leta hai
iss baat pe har aankh ko numnaak hona chahiye
ghariboon ki mehnat se hi mulk maala-maal hota hai
kuch unn logon ke hisse mein bhi, imlaak hona chahiye
maazi tu apna jaisa bhi tha, beet gaya achcha ya bura
bachchon ka mustaqbil mager taabnaak hona chahiye
achcha hai umeed bhare kuch khwab sajaein aankhon mein
par haqiqat ko samajhne mein sab ko, taak hona chahiye
No comments:
Post a Comment