dastuur ibadat ka duniya se nirala ho
ik haath mein maala ho ik haath mein payala ho
pujenge saleeqe se andaz magar apna ho
yaad-e-khuda dil mein saaqi ne sambhala ho
masti bhi taqaddus bhi ek saath chale donon
ik simit ho maikhana ik simit shivala ho
masjid ki taraf se tu jana na kabhi saaqi
zahid bhi kabhi tera na chahnewala ho
vo duub ke marr jaayen na madira ki surahi mein
mashoq ne gar dil ki mehfil se nikala ho
No comments:
Post a Comment