zindgi hai ek si par jeene ke andaaz juda hain
jam-e-muhbbat ek hai par peene ke andaaz juda hain
har ek ke liye jazbon ka iqraar hai, izhaar hai
izhaar ka hai maqsad ek, izhaar ke alfaaz juda hain
ek se chehre, ek si baatein, soch bhi sab ki ek si
zaahir bazaahir ek hai, baaton mein chhupe woh raaz juda hain
takleef ki shiddat ek si, dard ka hai ehsaas ek
jism hain sab ke ek se, iss mein base amraaz juda hain
ilm ke khazane se sab faizyaab hote hain
ilm ke zaraaye ek, phir kyun iss ke aghraaz juda hain
allah ek, quran ek, deen ek, imaan ek
anjaam sab ka ek hai, bas sab ke aaghaz juda hain
No comments:
Post a Comment