unknown

iss se pehle ki ye duniya mujhe ruswa kar de
tu mere jisam meri rooh ko achcha kar de
kis kadar toot rahi hai meri wahdat mujh mein
ae ! meri wahdaton wale mujhe yukja kar de
ye jo halat hai meri maine banai hai magar
jaisa tu chahta hai mujhe waisa kar de
mere logon ko jahalat ke andheron se nikal
meri muhabat ko maho-mehro sitara kar de
mujhe har simit andhera hi nazar aata hai
qurbaani ko meri deeda-e-beena kar de
zaya hone se bacha le mere mabood mujhe
ye na ho waqt mujhe khel tamsha kar de
main musafir hun so raste mujhe raas aate hai
meri manzil ko mere waste rasta kar de
mujhko wo ilam sikha jis se ujale phalen
mujhko wo ism parha jo mujhe zinda kar de
mere har faisle mein teri raza shamil ho
jo tera hukm ho vo mera irada kar de
meri aawaz teri hamd se labraiz rahe
bazm-e-qaunain mein jari mera naghma kar de