kahin aah ban ke lab pe tera naam aa na jaye
tujhe bewafa kahun main wo maqam aa na jaye
zara zulf ko sambhalun mera dil dhadak raha hai
koi aur tair-e-dil tah-e-daam aa na jaye
jise sun ke toot jaye mera aarzoo bhara dil
teri anjuman se mujhko wo payaam aa na jaye
wo ke manzilon pe la kar kisi humsafar ko luutein
innhi rehzanon main tera kahin naam aa na jaye
ye mah-o-najoom hass lein mere aansuon pe
mera mahtab jab tak lab-e-baam aa na jaye !!!!
No comments:
Post a Comment